आजको शिक्षा संवाददाता
काठमाडौँ । चन्द्रागिरि नगरपालिकाको थानकोटस्थित मङ्गोलदय माविले स्वर्ण जयन्ती महोत्वस मनाउने भएको छ ।
विद्यालयले आज यहाँ पत्रकारसम्मेलन गरी यही फागुन १४ गते स्वर्ण जयन्ती महोत्वस मनाउने जानकारी दिएको छ ।
सो दिन राष्ट्रपति विद्यादेवी भण्डारीबाट महोत्सवको उद्घाटन गरी संस्थापक एवम् योगदानदातालाई सम्मान गरिने कार्यक्रम रहेको विद्यालयका प्रधानाध्यापक लीलानाथ शर्माले बताउनुभयो ।
सो अवसरमा विद्यालयलको नवनिर्मित भवन पनि उद्घाटन गरिनेछ, उहाँले भन्नुभयो– विसं २०२३ मा स्थापित यो विद्यालय राम्रो नतिजाका आधारमा शिक्षा मन्त्रालयबाट राष्ट्रिय शिक्षा पुरस्कारसमेत पाइसकेको छ ।
प्रधानाध्यापक शर्माले आफूहरुको सामूहिक प्रयास र शिक्षकमा दलगत राजनीतिक विभाजन नभएका कारण विद्यालयले राम्रो नजिता ल्याउन सकेको बताउनुभयो । हाल विद्यालयमा एक हजार दुई सय विद्यार्थी छन् । रासस
